Zədəli futbolçuların çox olmasından əziyyət çəkən "Qalatasaray" daha bir aparıcı oyunçusunu itirib.
Milli.Az xəbər verir ki, İstanbul təmsilçisinin yarımmüdafiəçisi Yunes Belhanda da sıradan çıxıb.
Afrika Millətlər Kubokunun seçmə mərhələsi çərçivəsində Kamerunla matçda (2:0) zədələnən 28 yaşlı futbolçunun durumu ciddidir. Oyunun 45-ci dəqiqəsində zədələnib meydandan çıxan Belhandanın 6 həftə yaşıl meydanlardan uzaq qalacağı bildirilir.
Qeyd edək ki. "Qalatasaray"da Yuto Naqatomo, Sərdar Aziz, Sinan Gümüş, Ərən Dərdiyok zədəli, Rayan Donk, Badu Ndiaye və Qarri Rodriqes isə cəzalıdır.
Elçin
Milli.Az