UEFA Millətlər Liqası dərhal ləğv olunmalıdır. Bu turnirin oyunlarına hazırlıq zamanı baş məşqçilər müəyyən sınaqlar edir. Bunun üçün vaxt sərf olunur. Almaniya yığmasının baş məşqçisi Yoahim Löv də hazırda bunun üçün çalışır.
Milli.Az qol.az-a istinadən xəbər verir ki, bu sözlər millimizin sabiq baş məşqçisi Berti Foqtsa məxsusdur.
Almaniyalı mütəxəssis t-online.de saytındakı köşə yazısında UEFA Millətlər Liqasının əhəmiyyətsiz turnir olduğunu qeyd edib:
Almaniya millisi A qrupunda 3 oyundan sonra 1 xalla 3 komandalı qrupun sonuncusudur. Bundestimin qrup sonuncusu kimi B liqasına düşmək ehtimalı var. Berti Foqts isə sabiq komandasının aşağı liqada oynamasının daha müsbət nəticə verə biləcəyini bildirib: "Bu, üstünlük ola bilər. Çünki növbəti Millətlər Liqasında zəif komandalara qarşı oynayacaq və 2022-ci il dünya çempionatına daha az təzyiq altında hazırlaşacağıq".
Milli.Az