Futbol üzrə Azərbaycan çempionu "Qarabağ"ın Avropa Liqasının qrup mərhələsi çərçivəsində Ukraynanın "Vorskla" klubuna qarşı keçirəcəyi səfər oyununda anşlaq gözlənilmir.
Milli.Az komanda.az-a istinadən xəbər verir ki,Ukrayna klubunun mətbuat xidmətinin rəhbəri Artyom Lobanov bu oyuna bilet satışı ilə bağlı bunları söyləyib:
"Hazırda oyuna 6 min bilet satılıb. Təxminən 8000-8500 azarkeş gəlməsi gözlənilir. Oyunun gec saatda keçirilməsi, insanların sabah işdə olması səbəbindən, azarkeş sayı az olacaq".
Qeyd edək ki, bu gün Bakı vaxtı ilə saat 00:00-da start götürəcək "Vorskla" - "Qarabağ" matçının keçiriləcəyi Aleksey Butovski adına stadion 25 min azarkeş tutumuna malikdi.
Milli.Az