Millimizin üzvü Dmitri Nazarovun şərəfini qoruduğu "Erzgebirge" Almaniya 2-ci Bundesliqasında növbəti oyununa çıxıb.
Milli.Az qol.az-a istinadən xəbər verir ki, Aue təmsilçisi 10-cu turda səfərdə "Dinamo" (Drezden) ilə qarşılaşıb. Matç 1:1 hesabı ilə başa çatıb.
"Dinamo" - "Erzgebirge" - 1:1
Qollar: Riese, 24 (0:1), Kone, 26 (1:1)
Oyuna ehtiyat oyunçular skamyasında başlayan D.Nazarov 75-ci dəqiqədə meydana daxil olub.
Qeyd edək ki, "Erzgebirge" 11 xalla turnir cədvəlinin 13-cü pilləsində qərarlaşıb.
Əlavə edək ki, D.Nazarov bugünlərdə Almaniya mətbuatına verdiyi müsahibəsində ehtiyatda qalmağından narazılıq etmişdi.
Milli.Az