"Mançester Siti" futbol klubunun oyunçusu Serxio Aqueronun yeni sevgilisinin olduğu üzə çıxıb.
Milli.Az "ölkə.az"a istindən bildirir ki, Serxio Nyu-Yorkda bədəni döymələrlə dolu olan bir qadınla görülüb. Komanda yoldaşı Lukas Fernandez və iki qadınla birlikdə "Mercedes" markalı avtomobilə minən futbolçu jurnalistlərin suallarını cavablandırmayıb.
Aqueronun maşınında əyləşən və kameralara öpüş göndərən qadının Zoe Kristofoli olduğu məlum olub. Kristofoli italyan bloqqerdir və bədənindəki döymələrlə məşhurdur. Onun İnstaqramda 336 min izləyicisi var.
Zoe İtaliyada yayımlanan "Big Brother" verilişində iştirak edən Fabrizio Korona ilə evlənmişdi. Amma ərinin ona xəyanət etdiyini anladıqdan sonra boşanıb.
Milli.Az