"Qarabağ"ın Avropa Liqasının qrup mərhələsindəki rəqiblərindən olan Portuqaliyanın "Sportinq" klubunun baş meneceri və kommunikasiya direktoru vəzifələrindən ayrılıb.
Milli.Az sport24.az-a istinadən xəbər verir ki, Lissabon təmsilçisinin yeni prezidenti Frederiko Varandaş idarə heyətini formalaşdırmağa başlayıb.
Kluba mayda baş direktor təyin olunmuş Auqusto İnasio Varandaşla görüşdən sonra postunu tərk etməyə razı olub. O, klubdan heç bir təzminat almayacağını bildirib.
Sentyabrın 8-də yeni prezident seçilən Varandaş kommunikasiya direktoru Nunu Sarayvanın da vəzifəsindən ayrılmasını istəyib. Portuqaliya klubu Sarayva ilə də qarşılıqlı razılıq əsasında yollarını ayırıb.
Milli.Az