PUL
.jpg)
.jpg)
İdman Sarayında futbol üzrə braziliyalı ikiqat dünya çempionu Kafunun Xüsusi Olimpiya Hərəkatının dünya üzrə səfiri elan edilməsi ilə bağlı sənəd imzalanıb.
Milli.Az report.az-a istinadən bildirir ki, mərasimdə veteran futbolçu ilə yanaşı, Xüsusi Olimpiya Hərəkatının Avropa regional rəhbəri Devid Evangelista və braziliyalı atlet Emmanuelle Dutra Fernandes de Souza iştirak ediblər.
D.Evangelista çıxışına gənc liderlərin 20-ci Qlobal Forumunun Bakıda təşkilinə görə gənclər və idman naziri Azad Rəhimova təşəkkür etməklə başlayıb: "Bu gün Kafu və Emmauelleni burada görmək xoşdur. Onun kimi tanınmış futbolçu bizim səfirimiz olacaq. Bundan sonra da əhatə dairəmizi genişləndirməyə çalışacağıq".
Kafu isə bildirib ki, Bakıya ilk səfərində bu cür tədbirdə iştirak etmək onun üçün çox xoşdur: "Xüsusi Olimpiya Hərəkatı ailəsinin üzvü olmaq qürurvericidir. Uşaqların üzünü güldürmək puldan və hər bir qalibiyyətdən önəmlidir".
Daha sonra Kafu və D.Evangelista əməkdaşlıq müqaviləsi imzalayıblar.
Qeyd edək ki, Kafu 1989 - 2006-cı illərdə Braziliya millisində çıxış edib. 48 yaşlı sabiq cinah müdafiəçi karyerası ərzində vətənində "San Paulu", "Palmeyras", İspaniyanın "Saraqosa", İtaliyanın "Roma" və "Milan" klublarının formasını geyinib. O, 1994 və 2002-ci il dünya çempionatlarının qalibidir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
