İdman

"Mourinyonun karyerama güclü təsiri olub" - Lempard

25 Sentyabr 2018 11:39

0 Şərh Baxış: 877

#JOZE MOURİNYO #FUTBOL #İNGİLTƏRƏ

Çempionşip təmsilçisi "Derbi Kaunti"nin baş məşqçisi Frenk Lempard İngiltərə Liqa kubokunda "Mançester Yunayted"ə qarşı keçirəcəkləri oyundan əvvəl açıqlama verib.

Milli.Az komanda.az-a istinadən xəbər verir ki, sabiq "Çelsi"li futbolçu MY-nin güclü komanda olduğunu bildirib. Lempard "goal.com"a açıqlamasında bunları deyib:

"Səbirsizliklə bu oyunu gözləyirəm. "Mançester Yunayted" güclü komandadır. Joze Mourinyo kimi məşqçiyə sahibdirlər. Mourinyonun karyerama güclü təsiri olub. Ondan çox şey öyrənmişəm. Azarkeşlərin zövq alacağı bir oyun sərgiləmək istəyirik".

Karyerası ərzində "Vest Hem", "Çelsi", "Suonsi", "Mançester Siti" kimi komandalarda top qovmuş Lempardın futbolçu kimi son iş yeri MLS təmsilçisi "Nyu-York Siti" olub.

Lempard may ayında "Derbi Kaunti"nin "sükanı arxasına" keçib.

Milli.Az