Futbol üzrə Türkiyə 1-ci liqasında dünən keçirilən "Balikəsirspor" - "Ümraniyəspor" matçı ilk hissədən sonra təxirə salınıb.
Milli.Az komanda.az-a istinadən bildirir ki, buna səbəb 44-cü dəqiqədə bir azarkeşin meydana girərək, oyunun baş hakimi Atilla Karaoğlana yumruqla zərbə endirməsi olub. İkinci hissədə meydana çıxmayan baş hakim matçın təxirə salındığını bildirib.
Azarkeş polis işçiləri tərəfindən saxlanılıb.
Qarşılaşma ilə bağlı son qərarı Türkiyə Futbol Federasiyası verəcək.
Milli.Az