İdman

"Beşiktaş" yapon futbolçunu ələ keçirməyə çalışır

14 Sentyabr 2018 18:04
0 Şərh     Baxış: 524

"Beşiktaş" Yaponiya şirkətlərindən biri ilə sponsorluq müqaviləsi imzalamağa hazırlaşır.

Milli.Az goal.az-a istinadən xəbər verir ki, müqavilə qarşılığında "qara qartallar" 10 milyon avro qazanacaq, eyni zamanda, növbəti transfer pəncərəsi dövründə bir ulduz futbolçunun transferini sözügedən Yaponiya şirkəti tərəfindən həyata keçirilməsinə nail olacaq.

Yaponiya şirkətinin adı bu gün "Vodafon Park"da təşkil olunacaq imza mərasimiylə açıqlanacaq. Həmçinin, şirkət tərəfindən transfer olunacaq futbolçunun adı da məlum olub. Türkiyə mətbuatı bu futbolçunun "Borussia"nın (Dortmund) üzvü Şindzi Kaqava olduğunu iddia edib.

Yay transfer dövründə adı "Beşiktaş"la yanaşı çəkilən futbolçunu "qara qartallar" icarəyə götürmək istəmiş, lakin Almaniya klubunun yüksək məbləğ tələb etməsi ilə bu transferdən imtina edilmişdi. Bu dəfə isə yaponiyalı futbolçunun birdəfəlik alınması nəzərdə tutulur.

Milli.Az 

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.