"Real"ın baş məşqçisi Xulen Lopeteqi UEFA superkubokunda "Atletiko"ya 2:4 hesabı ilə məğlub olduqları matçdan sonra açıqlama verib.
Milli.Az komanda.az-a istinadən xəbər verir ki, ispaniyalı mütəxəssis məğlubiyyətin transfer siyasətlərini dəyişməyəcəyini bildirib. Lopeteqi media nümayəndələri ilə görüşdə bunları deyib:
"Oyunda səhvlərimiz oldu və "Atletiko" bunlardan yaxşı istifadə elədi. Oyunun qırılma anı önə keçdikdən sonra hesabın 2:2 olması idi. Riskli qərarlar aldıq, lakin bu, nəticə vermədi. Səhvlərimizdən dərs alıb, daha da inkişaf etməliyik. Rəqib dəyişikliklərdən düzgün istifadə etdi. Uzatma dəqiqələrində 2:3 hesabı ilə geriyə düşdükdən sonra oyunumuzu itirdik.
Biz artıq La Liqa haqqında düşünməliyik. Bu məğlubiyyət transfer siyasətimizi dəyişməyəcək. Səhvlərimizə yenidən baxıb, onlar üzərində işləyəcəyik".
Milli.Az