Zlatan İbrahimoviç on il əvvəl "LA Galaxy"yə qoşulduğu təqdirdə özünün ABŞ prezidenti ola biləcəyini iddia edib.
Milli.Az xəbər verir ki, bu il mart ayında transferi reallaşdırılan ulduz oyunçu Amerikada futbola olan təsiri barədə danışarkən bu fikri səsləndirib.
Keçmişdə özünü həm aslan, həm də Allahla müqayisə edən 36 yaşlı futbolçu, ilk 15 oyununda 12 qola imza atdıqdan sonra uğurlu oyunlarının davam edəcəyi mesajını verib.
ABŞ-da futbol mədəniyyətini dəyişdirdiyi haqda sualı "Mən bunu dəyişə bilməmişəm, bilmirəm, sadəcə işimi davam etdirirəm" kimi cavablayıb.
"Sadəcə, onların bəxti gətirib ki, on il bundan əvvəl gəlməmişəm, yoxsa bu gün mən prezident olacaqdım!" - fikirlərini tamamlayıb.
Həşim Səhrablı
Milli.Az