Bir neçə gün öncə "Çelsi"dən qovulan Antonio Konte London klubunun rəhbərliyindən narazıdır.
Milli.Az qol.az-a istinadən bildirir ki, italiyalı mütəxəssis gec istefaya göndərildiyi üçün məyus olub. Məşqçinin vəkilləri hesab edirlər ki, o, məhz bu səbəbə görə növbəti mövsümdə işsiz qalacaq. Konte bu məsələ ilə bağlı məhkəməyə müraciət edib. O, vaxtından əvvəl istefaya göndərildiyi üçün ona ödənilməli olan 9 milyon funt-sterlinq təzminat verilməsini tələb edir.
"Çelsi" tərəfinin isə Kontenin rəhbərliklə bağlı səsləndirdiyi tənqidi fikirlərdən məhkəmədə əks-arqument kimi istifadə edəcəyi gözlənilir.
Qeyd edək ki, "Çelsi" Konteni onun həmyerlisi Mauritsio Sarri ilə əvəz edib
Milli.Az