Belçika yığmasının baş məşqçisi Roberto Martines dünya çempionatında 3-cü yer uğrunda qarşılaşacaqları İngiltərə ilə matçdan danışıb.
Milli.Az qafqazinfo-ya istinadən xəbər verir ki, mütəxəssis futbolçularını meydanda ən yaxşı formada görmək istədiyini deyib:
"Meydana çıxacaq futbolçular ən yaxşı formada olmalıdırlar. İngiltərə millisinə nisbətən daha çox istirahət etdik. Hər kəs qarşılaşmaya hazırdır və meydana ən yaxşı heyəti buraxacam. Burada 6 oyun keçirmişik və fiziki yorğunluq ola bilər. Amma oyunçularımın qarşılaşmadan həzz aldığını görmək istəyirəm".
Milli.Az