İdman

"Ronaldunun transferi narazılıq yaratdı"

11 İyul 2018 17:44
1 Şərh     Baxış: 1 995

"Juventus" klubunun sponsoru olan FİAT şirkətinin işçiləri Kriştino Ronaldunun transferini narazılıqla qarşılayıblar.

Milli.Az goal.az-a istinadən xəbər verir ki, onların fikrinə görə bir transferə külli miqdarda xərc çəkilməsi yolverilməzdir. "Bir transferə milyonlarla vəsait sərf etmək nəyə lazımdır. Bizə deyirlər ki, iqtisadi böhran yaşanır, çətinliklərə dözmək lazımdır. Şirkətin işçiləri maddi cəhətdən əziyyət çəkirlər. Amma hansısa futbolçunun transferinə böyük pullar xərclənir. Bu cür ədalət olmaz. Şirkətin dünya miqyasında tanınması burada çalışanların zəhməti sayəsində mümkün olub. Həmin pullar minlərlə insanın həyat şəraitini yaxşılaşdırmaq üçün sərf olunmalıdır, bir futbolçunun yox. Şirkət rəhbərliyini yalnız futbol və əyləncə maraqlandırır. Bu səbəbdən şirkətin fəhlələri iyulun 15 -dən 17 -dək tətil elan edir",- deyə fəhlələrin müraciətində bildirilir.

Xatırladaq ki, Ronaldunun transferi "Juventus" klubuna 112 milyon avroya başa gəlib. Hücumçunun illik məvacibi 31 milyon avro olacaq.

Milli.Az

loading...

Şərh yaz:

1 Şərh:

  • Anonim
    Sh · 11 İyul 19:5810

    Duz qerar qebul edibler. Ile 31 milyon dollar....

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.