Belçika millisində müdafiəçi problemi davam edir.
Milli.Az apasport.az-a istinadən xəbər verir ki, komandanın mərkəz müdafiəçiləri Vensan Kompani və Tomas Vermalen hələ də zədəsini sağaltmayıb.
Bu barədə açıqlama verən baş məşqçi Roberto Martines onların dünya çempionatının qrup mərhələsi çərçivəsində Tunislə II tur matçını buraxacaqlarını söyləyib: "Vermalen və Kompani hələ sağalmayıblar. Digər oyunçular isə Tunislə görüşə hazırdılar".
Qeyd edək ki, adıçəkilən futbolçular I turda Panama ilə (3:0) matçı da buraxmışdılar. Belçika - Tunis qarşılaşması isə sabah oynanılacaq.
Milli.Az