İdman

Messi birinci oldu

15 May 2018 12:44
0 Şərh     Baxış: 1 172

Beynəlxalq İdman Araşdırmaları Mərkəzi (CİES) 2017-2018 mövsümündə Avropanın "böyük 5-lik" liqalarındakı ən yaxşı futbolçuların reytinq siyahısına dair versiyasını açıqlayıb.

Milli.Az report-a istinadən xəbər verir ki, birinci yeri İspaniya "Barselona"sının hücumçusu Lionel Messi 92,12 faydalılıq əmsalı ilə tutub. İkinci yerdə İngiltərənin "Mançester Siti" klubunun yarımmüdafiəçisi David Silva (91,69), üçüncü pilləni isə İtaliya "Yuventus"unun forvardı Paulo Dibala (91,37) tutur.

"Qızıl top"un hazırkı sahibi, "Real Madrid"in portuqaliyalı hücumçusu Kriştianu Ronaldu İtaliya "Napoli"sinin forvardı Lorentso İnsinye ilə birgə 88,58 əmsalla 16-17-ci yerləri bölüşdürür.

Qeyd edək ki, Lionel Messi ötən mövsüm İspaniya çempionatında 35 oyuna çıxıb. O, 34 qol və 12 məhsuldar ötürmə müəllifi olub. Kriştianu Ronaldu isə 26 oyunda 25 qol və 5 məhsuldar ötürmə ilə yadda qalıb.

Milli.Az

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.