"Başakşəhər"in prezidenti Göksel Gümüşdağ komandanın yarımmüdafiəçisi Arda Turana verilən 16 oyunluq cəzaya münasibət bildirib.
Milli.Az qol.az-a istinadən xəbər verir ki, klub rəhbəri cəzanın çox ağır olduğunu deyib. O, bununla yanaşı, Ardanın klub tərəfindən də cəzalanacağını açıqlayıb:
"Ardanın hakimə qarşı etdiyi hərəkəti klub prezidenti olaraq qəbul edə bilmirəm. Klub rəhbəri kimi mən də Ardaya cəza verəcəm. Amma verilən cəzalarla bağlı ikili standartların olduğunu görürük. Fərqli insanlarla bağlı fərqli qərarlar çıxarırlar. Bu qərarı heç bir şəkildə qəbul etməyəcəyik. Qərardan şikayət verəcəyik və cəzaya etirazımızı bildirəcəyik. Engin Baytar Cüneyt Çakırın boğazını tutub sıxdı, 8-9 matç cəza aldı.
Amma Mossoro 2-ci "sarı"dan sonra qırmızı vərəqə alıb, 1 oyunluq cəza almalı olduğu halda, 5 matçlıq cəzaya layiq görülür. Mossoro onsuz da türkçə bilmir, söyüş söyə bilməz. Ardaya da 6-8 matçlıq cəza verilməsi lazım idi. Söyüş də, "sizi öldürmək lazım" demək də eyni şeydi, qəbul edilməzdir. Bu üzdən də hər iki səhvin cəzası 6-8 oyunluq cəza olmalı idi".
Milli.Az