İsrailin paytaxtı Təl-Əvivdə cüdo üzrə Avropa çempionatı bu gün başa çatacaq.
Milli.Az apasport.az-a istinadən xəbər verir ki, yarışın sonuncu günündə Azərbaycan millisinin 5 üzvü mübarizəyə qoşulacaq.
Avropa çempionatı
Kişilər
90 kq
İlk görüşdən azad olan Məmmədəli Mehdiyev (90 kq) 1/16 finalda Davis Duda (Latviya) - Noel Van T End (Hollandiya) cütünün qalibini gözləyir.
100 kq
Yığmamızın lideri Elxan Məmmədovun da ilk görüşü 1/16 finala təsadüf edəcək. O, slovakiyalı Matey Hayasla üz-üzə gələcək.
Zelim Kotsoyevin də 1/8 finala gedən yolda rəqibi slovakiyalı olacaq. Təmsilçimiz Milan Randlla qarşılaşacaq.
+100 kq
Millimizin ən ağır çəkili cüdoçusu Uşanqi Kokauri 1/16 finalda rusiyalı Tamerlan Basayevlə güləşəcək.
Qadınlar
+78 kq
Komandamızın Avropa çempionatındakı son qadın cüdoçusu İrina Kindzerska 1/8 finalda rusiyalı Ksenya Çibişovanı sınağa çəkəcək.
Qeyd edək ki, yığmamızın aktivində hələlik 1 gümüş medal var. Həmyerlilərimizdən Hidayət Heydərov fəxri kürsüdə yer alıb.
Milli.Az