Almaniya millisinin üzvü Jerom Boatenq qarşıdakı dünya çempionatını buraxmaq təhlükəsi ilə üzləşib.
Milli.Az goal.az-a istinadən xəbər verir ki, 29 yaşlı müdafiəçi Çempionlar Liqasının yarımfinal mərhələsində keçirilən "Bayern Münhen" - "Real" matçında (1:2) zədələnib.
Tibbi müayinə onun əzələsində problem olduğunu göstərib. Təxminin bərpa müddəti 6 həftədir. Boatenqin "Real"la cavab görüşünü və Almaniya kubokunun finalını buraxacağı dəqiqdir. Ehtimal var ki, futbolçu mundiala qədər lazımi forma yığa bilməyəcək. Boatenq əvvəlki uzunmüddətli zədəsini 1 ay öncə sağaltmışdı.
Milli.Az