Avstriyanın Şərq Regional Liqasında 28-ci turun oyunları keçirilib.
Milli.Az qol.az-a istinadən xəbər verir ki, azərbaycanlı futbolçular Dmitri Nağıyev, Elvin Bədəlov və Emil Fərzəliyevin formasını geyindiyi Vyana "Qarabağ"ı səfərdə "Admira Vakker"lə qarşılaşıb. Futbolçularımızın komandası bu oyundan qələbə ilə ayrılıb - 3:2.
Emil bu görüşün iştirakçısı olmayıb. Elvin start heyətdə meydana çıxıb və sonadək oynayıb. Dmitri isə qarşılaşmanın 65-ci dəqiqəsində meydana daxil olub.
Qeyd edək ki, "Qarabağ" hazırda 41 xalla 16 komanda arasında 5-ci pillədə qərarlaşıb.
Milli.Az