PUL
.jpg)
.jpg)
Qazaxıstan milli komandasının sabiq yarımmüdafiəçisi Vitali Yevstiqneyev futbolçu karyerasını 32 yaşında başa vurub.
Milli.Az report-a istinadən xəbər verir ki, bununla bağlı Yevstiqneyevin doğma klubu "Taraz" tərəfindən təntənəli yolasalma mərasimi təşkil olunub. Təcrübəli oyunçuya I Liqada "Kayrat A" komandası ilə görüşdən əvvəl 8 nömrəli forma təqdim olunub.
Qeyd edək ki, Vitali Yevstiqneyev Qazaxıstan millisində 3 oyun keçirib. O, 2012-ci il Avropa çempionatının seçmə qrup mərhələsi çərçivəsində Bakıda Azərbaycan yığmasına qarşı keçirdikləri görüşdə gözəl qolla yadda qalıb. 6 sentyabr 2011-ci ildə Tofiq Bəhramov adına Respublika stadionunda təşkil olunmuş qarşılaşmada debüt edən Yevstiqneyev 77-ci dəqiqədə meydana çıxan kimi topa ilk toxunuşundaca uzaqdan zərbə ilə fərqlənib. Lakin bu, təsəlli qolu olub və görüş meydan sahiblərinin qələbəsi ilə yekunlaşıb - 3:2. Azərbaycan və Qazaxıstan milliləri iyunun 5-də "Astana Arena"da yoldaşlıq görüşü keçirəcəklər.
Milli.Az
Videonu izləmək üçün şəklə klikləyin:
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
.png)
.jpg)
.jpg)