İdman

Rusiyalı gimnast: "Avropa çempionatnda mühit çox gözəldir"

15 Aprel 2018 14:57
Baxış: 268

Milli Gimnastika Arenası çox xoşuma gəldi, yarışları çox gözəl və rəngli keçir.

Milli.Az xəbər verir ki, bunu Trend-ə Bakıda keçirilən Avropa çempionatında ikili mini-batut yarışlarında qızıl medal qazanmış rusiyalı gimnast Dana Sadkova deyib.

O bildirib ki, yarışdan əvvəl çox iş görülüb:

"Bizdə hər şey alındı. Yarışda mühit də çox gözəldir. Bakıya birinci dəfə gəlmişəm, deyə bilərəm ki, möhtəşəm şəhərdir."

Qeyd edək ki, Bakıda batut gimnastikası, ikili mini-batut və tamblinq üzrə Avropa çempionatında yarışların sonuncu gününə start verilib. Turnirin son günü hər 4 növ üzrə finallarda (fərdi batut, sinxron batut, tamblinq və ikili mini-batut) medalçıların adları məlum olacaq.

Azərbaycanı yarışlarda kişilər arasında sinxron cütlük - İlya Qrişunin və Ruslan Ağamirov, qadınlar arasında isə Svetlana Makştareva və Veronika Zemlyanaya təmsil edir.

Milli Gimnastika Arenasında keçirilən sayca 26-cı olan bu çempionatda həm böyüklər, həm də gənclər proqramında 25 ölkədən hər 3 növ üzrə 400-dən çox idmançı iştirak edir.

Avropa çempionatının əsas özəlliyi isə odur ki, gənc gimnastlar 2018-ci ildə baş tutacaq Gənclər arasında Olimpiya Oyunlarına, böyük gimnastlar isə 2019-cu ilin Avropa Oyunlarına lisenziyanı məhz Bakıda əldə edə biləcəklər.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.