İdman

Avropa Liqasında yarımfinalın püşkü atılacaq

13 Aprel 2018 11:08
1 Şərh     Baxış: 705

İsveçrənin Nyon şəhərində Avropa Liqasının yarımfinal mərhələsinin püşkatma mərasimi keçiriləcək.

Milli.Az goal.az-a istinadən xəbər verir ki, UEFA-nın mənzil-qərargahında saat 14:00-da başlanacaq püşkatma nəticəsində İngiltərənin Arsenal, İspaniyanın Atletico, Fransanın Marseille və Avstriyanın Salzburg komandalarından 2 cütlük formalaşacaq. Bu zaman heç bir komanda səpələnmiş və səpələnməmişlər səbətlərinə bölünməyəcək, istənilən klub digərlərindən birinə rəqib ola biləcək. Adları birinci göstərilən kollektiv ilk oyunu öz meydanında keçirəcək.

Püşkü çəkməyə Avropa Liqasının səfiri, Fransa milli komandasının sabiq futbolçusu Erik Abidal kömək edəcək. O, kubokun təşkilatçı şəhərə verilməsində də iştirak edəcək.

Yarımfinal mərhələsinin ilk oyunları 26 apreldə, cavab görüşləri 3 mayda keçiriləcək.

Milli.Az

loading...

Şərh yaz:

1 Şərh:

  • Anonim
    Ereboğlu · 13 Aprel 11:2200

    Arsenal - Marsel Atletiko - Zalsburg

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.