"Real"ın kapitanı Serxio Ramos Çempionlar Liqasının yarımfinal oyununu buraxa bilər.
Milli.Az qol.az-a istinadən xəbər verir ki, buna səbəb müdafiəçinin UEFA-nın qaydalarını pozmasıdır.
Cəzalı durumda olduğundan "Yuventus"la ötən gün keçirilən matçı tribunadan izləməli olan Ramos qarşılaşmanın son dəqiqələrində aşağı düşərək texniki zona yaxınlığında komanda yoldaşlarına dəstək verib. Bu isə UEFA-nın reqlamentinə ziddir.
Qeyd edək ki, İspaniya millisinin üzvü 1/4 finalın "Yuventus"la ilk görüşündə cəzalı duruma düşmüşdü.
Milli.Az