İspaniya "Real"ı futbol üzrə Çempionlar Liqasında şəxsi rekordunu yeniləyib.
Milli.Az goal.az-a istinadən xəbər verir ki, "kral klubu" ardıcıl 8-ci dəfə Avropanın ən nüfuzlu klub turnirinin yarımfinalına yüksəlib. Madridlilər buna İtaliya "Yuventus"u 1/4 final mərhələsində iki oyununu cəmində (3:0, 1:3) üstələyərək, nail olublar.
Həlledici qolu komandanın portuqaliyalı hücumçusu Kriştianu Ronaldu vurub. Bu, Ronaldonun "Yuventus"la görüşlərdə 10-cu qolu olub. 33 yaşlı forvard bir komandaya 10 qol vuran ilk futbolçuya çevrilib.
Milli.Az