İdman

"İdman sahəsində qazanılan uğurlarda bu amil böyük rol oynayır"

11 Mart 2018 19:05
Baxış: 567

"Ölkəmizdə idmanın maddi-texniki bazası daha da güclənir. İdman sahəsində qazanılan uğurlarda bu amil böyük rol oynayır". Milli.Az yap.org.az-a istinadən bildirir ki, bu fikirləri Milli Məclisin deputatı Ağacan Abiyev deyib.

A.Abiyev bildirib ki, son illər Azərbaycan idmanı mühüm nailiyyətlər əldə edib. Onun sözlərinə görə, bu sahəyə bölgələrdə də xüsusi diqqət yetirilir.

"Hazırda, respublikamızın bütün bölgələrində dünya standartlarına cavab verən olimpiya idman kompleksləri tikilib istifadəyə verilir. Vaxtilə, idman qurğularının tikintisində zona prinsipi əsas götürülürdüsə, bu gün hər bir rayonumuzda yüksək səviyyəli idman kompleksləri tikilib istifadəyə verilib. Yaradılan şəraitlə paralel ölkəmizdə idmanın kütləviliyinə göstərilən diqqət olduqca böyükdür. Bu gün olimpiya idman komplekslərimizin işi yüksək səviyyədə qurulub, uşaqlar, yeniyetmələr idman bölmələrində yeni standartlarla məşq edirlər. Bu baxımdan, bütün məsuliyyətimizlə Azərbaycanda idmanın yüksək sürətlə inkişaf etdiyini deyə bilərik. Azərbaycanın dünyada idman ölkəsi kimi tanınmasında ölkəmizin olimpiya hərəkatında əhəmiyyətli uğurlara imza atmasının çəkisi çox böyükdür"- deyə, A.Abiyev vurğulayıb.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.