İdman

"Əsas odu ki, qol fürsəti əldə edə bilirdi" - Qurban Qurbanov

10 Mart 2018 21:41
1 Şərh     Baxış: 955

"Vacib 3 xal qazandıq. Bilirdik ki, "Zirə" ötən turdakı məğlubiyyətdən sonra daha istəkli olacaq. Belə də oldu". Apasport.az saytı xəbər verir ki, bu sözləri "Qarabağ"ın baş məşqçisi Qurban Qurbanov deyib.

Azərbaycan Premyer Liqasının XIX turunda "Zirə"ni qəbul edən Ağdam klubu 2:0 hesablı qələbə qazanıb.

 

Milli.Az apasport.az-a istinadən xəbər verir ki, matçdan sonra mətbuat konfransı keçirən Qurban Qurbanov bunları deyib: "İlk 15-20 dəqiqədə çətinlik çəkdik. İkinci hissədə də eyni ssenari oldu. Ancaq 3 xal qazanmağı bacardıq. Futbolçularıma təşəkkür edirəm".

- Həmişə Ramil Şeydayevə az şans verdiyiniz deyilirdi. Bu gün onun oyunundan razı qaldız?

- Bəli, razı qaldım. Təkcə onun yox, bütün futbolçuların oyunundan razı qaldım. Ramil bu gün çox çalışdı. Çox istəkli idi.

- Ancaq Ramil sanki qol duyumunu itirib...

- Bu, normal haldı. Həmin epizodları əldə etmək vacibdi. Əsas odu ki, qol fürsəti əldə edə bilirdi. Hücumçu üçün əsas xüsusiyyət budu. Ümid edirəm ki, vaxt keçdikcə bir az da düzələcək.

- Növbəti oyunda "Neftçi" ilə qarşılaşacaqsız. Rəqib son vaxtlar öz oyununu tapıb...

- Bəli, məncə də, rəqib son vaxtlar yaxşı oyun sərgiləyir. "Qəbələ" ilə matçda 2, "Keşlə"yə isə 3 qol vurdular. Bu komanda öz oyununu tapıb. Çətin qarşılaşma olacaq. Fikrimcə, azarkeşlər maraqlı oyun izləyəcəklər.

Milli.Az

loading...

Şərh yaz:

1 Şərh:

  • Anonim
    ff · 11 Mart 12:1801

    esas fursetdi qol olmasada olar,...?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.