Kiprin I Divizionunda XXVI turun oyunları keçirilir. Milli.Az apasport.az-a istinadən xəbər verir ki, milli komandamızın futbolçusu Araz Abdullayevin şərəfini qoruduğu "Anortosis" də növbəti matçına çıxıb.
Famaqusta təmsilçisi səfərdə AEL-lə qarşılaşıb. Görüş qonaqların 1:0 hesablı qələbəsi ilə yekunlaşıb.
Zədədən döndükdən sonra bir neçə oyun start heyətində yer almayan Araz bu dəfə "ilk 11-lik"də meydana çıxıb. O, 72-ci dəqiqədə əvəzlənib.
Qeyd edək ki, 26 oyuna 56 xal toplayan "Anortosis" turnir cədvəlinin üçüncü pilləsində qərarlaşıb.
Milli.Az