İngiltərənin "Kryu Aleksandra" klubunun sabiq baş məşqçisi Barri Bennell ağır cəzaya məruz qalıb.
Milli.Az komanda.az-a istinadən xəbər verir ki, Liverpul məhkəməsinin hökmü ilə sabiq məşqçi 31 il müddətinə azadlıqdan məhrum edilib. O, pedofillikdə ittiham edilirdi.
Araşdırmalar zamanı bəlli olub ki, Barri 12 azyaşlı futbolçunu cinsi zorakılığa məruz qoyub. 64 yaşlı Bennel 1998-ci ildə də pedofilliyə görə 9 il müddətinə azadlıqdan məhrum edilmişdi.
2016-cı ilin payızında isə sabiq futbolçular - Endi Vudvord, Stiv Uolters, Pol Styuart və Devid Uayt ona qarşı ittiham irəli sürmüşdülər.
Milli.Az