İdman

Şehiç və Bezotosnı “Dandalk”ın qapıçısına nədə uduzur?

14 Fevral 2018 15:20
0 Şərh     Baxış: 619

Avropanın milli çempionatların cari mövsümündə ən çox quru oyun keçirən qapıçıların siyahısı açıqlanıb.

Milli.Az apasport.az-a istinadən xəbər verir ki, cədvəldə ən yaxşı göstəriciyə malik 100 qolkiper yer alıb.

İrlandiyanın "Dandalk" klubunun qapıçısı Hari Rocers hamıdan çox - 18 matçda qapısını toxunulmaz saxlayıb. 16 belə görüş keçirən Mark Maknulti ("Kork Siti", İrlandiya) 2-ci pillədə qərarlaşıb.

O qədər də tanınmış qapıçı olmayan liderləri David de Xea ("Mançester Yunayted", İngiltərə), Yan Oblak ("Atletiko", İspaniya) və Bojidar Mitrev ("Levski", Bolqarıstan) hərəyə 15 quru oyun keçirib. Ön sıralarda yer alan tanınan əlcək sahiblərindən Andre Ter-Şteqen ("Barselona", İspaniya) 14, Tibo Kurtua ("Çelsi", İngiltərə) 13 görüşü qol buraxmadan başa vurub.

"100-lük"də yer alan qapıçılar 8 və daha çox belə matç keçirənlərdi. Bu üzdən də Azərbaycan Premyer Liqasında çıxış edənlər cədvəldən kənar düşüb. Çünki çempionatımızın rekordçuları cəmi 5 quru oyunla öyünə bilər.

Bunlar "Qarabağ"ın qolkiperi İbrahim Şehiç və "Qəbələ"nin qolkiperi Dmitri Bezotosnıdı. Onlar 5-ə həftəsonu keçirilən XV turda çatıb. Şehiç 6, Bezotosnı 15 oyundan 5-də qol buraxmayıb.

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.