İdman

Bu gün qalib kim olacaq? - "Real Madrid", yoxsa PSJ

14 Fevral 2018 09:34
5 Şərh     Baxış: 2 100
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu gün futbol üzrə Çempionlar Liqasında 1/8 final mərhələsinin növbəti matçları keçiriləcək.

Milli.Az report-a istinadən xəbər verir ki, ikinci oyun günündə iki görüş baş tutacaq. Qarşılaşmalardan biri İspaniyada, digəri Portuqaliyada reallaşacaq. Ardıcıl iki mövsüm turnirin qalibi olan "Real Madrid" favoritlərdən sayılan Fransa təmsilçisi PSJ-ni qəbul edəcək.

La Liqada 42 xalla 4-cü pillədə qərarlaşan və lider "Barselona"dan 17 xal geri qalan "Kral klubu" üçün cari mövsüm heç də yaxşı keçmir. Komandanın baş məşqçisi Zinəddin Zidanın aqibəti fransızlarla dueldən asılıdır. PSJ isə böyük pulların müqabilində qitənin ən nüfuzlu klub turnirində qalib olmağı hədəfləyib.

Madrid təmsilçisinin heyətində Daniel Karvahal cəza, Xesus Vallexo isə zədə üzündən meydana çıxa bilməyəcək. Dani Sebalyosun durumu isə sual altındadır. PSJ-də isə zədəli Kevin Trapp oynamayacaq. Digər zədəlilər - Edison Kavani, Tyaqo MottaLeven Kyurzavanın qarşılaşmada iştirak edib-etməyəcəkləri dəqiq bilinmir.

Günün digər qarşılaşması Portuqaliyanın "Portu" və İngiltərənin "Liverpul" kollektivləri arasında olacaq. Ölkə çempionatının lideri olan meydan sahibləri ilk matçda müsbət nəticə əldə etmək arzusundadırlar. Cütün favoriti sayılan qonaqlar isə səfərdən sərfəli hesabla qayıtmaq istəyirlər.

"Portu"da Felipe Monteyro cəzalıdır. Zədədən əziyyət çəkən İvan Markano, Andre Filipe Braş Vensan Abubakarın durumuna matç ərəfəsində aydınlıq gələcək. "Liverpul"da isə iki itki var. Emre Can cəza, Nataniel Klayn isə zədə üzündən görüşdə iştirak etməyəcək.

Çempionlar Liqası - 1/8 final, ilk oyunlar

14 fevral
23:45. "Real Madrid" (İspaniya) - PSJ (Fransa)
Baş hakim: Canluka Rokki

23:45. "Portu" (Portuqaliya) - "Liverpul" (İngiltərə)
Baş hakim: Daniele Orsato (İtaliya)

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.