İngiltərə Premyer Liqasında 27-ci turun mərkəzi oyununda "Tottenham" evdə "Arsenal"a qalib gəlib - 1:0. Oyunda yeganə qolu Harri Keyn vurub.
Milli.Az goal.az-a istinadən xəbər verir ki, 24 yaşlı forvard Şimali London derbisində 7-ci qoluna imza atıb. Bu göstəriciyə əsasən Keyn Rober Piresə çatıb. İngiltərə çempionatı Premyer Liqa adlanandan bəri derbidə ən çox fərqlənən futbolçu Emmanuel Adebyordur. Hər iki klubun şərəfini qoruyan toqolu hücumçunun aktivində 8 qol var.
Qeyd edək ki, Harri Keyn London derbisində orta hesabla 124 dəqiqədən bir fərqlənir. Effektivlik baxımından yalnız Tyerri Anri onu qabaqlayır (hər 114 dəqiqəyə 1 qol).
Milli.Az