"Barselona"nın ulduz oyunçusu Lionel Messi qış transfer pəncərəsində komandadan ayrılan Arda Turan, Xaiver Maskerano və Rafinya üçün sosial şəbəkə hesabı üzərindən vida mesajı yayımlayıb.
Milli.Az xəbər verir ki, Messi mesajında türk futbolçuya bu sözləri yazıb:
Ölkəndə yeni başlanğıcda sənə bol şans arzulayıram. Əminəm ki, hər şey möhtəşəm olacaq.
Leo "İnter"ə transfer olan Rafinya və "Hebey Çayna Fortuna"ya keçən Maskeranoya da karyeralarında uğur diləyib.
A post shared by Leo Messi (@leomessi) on Jan 24, 2018 at 3:51am PST
"Rafinya, İtaliyada sənə uğurlar arzulayıram. Səni izləyəcəyik. Maskerano, bu qədər oyunlar və yaşanan anlardan sonra sənə minnətdaram. Səndən ötrü darıxacağıq. Paltardəyişmə otağında yerin görünəcək. Tezliklə millidə görüşəcəyik. Hər üçünüzü bağrıma basıram", - Messi paylaşımda qeyd edib.
Qeyd edək ki, Arda Turan Türkiyənin "Başakşəhər" klubuna transfer olunub.
Adil Nəcəfov
Milli.Az
Digər maraqlı xəbərlər Milli.Az-ın Facebook səhifəsində