"Mançester Siti" dekabrın 16-da İngiıtərə Premyer Liqasının 18-ci turunda doğma meydanda London təmsilçisi "Tottenhemi" 4-1 hesabı ilə məğlub edərək ardıcıl 16-cı qələbəsini qazanıb.
Milli.Az Trend-ə istinadən bildirir ki, oyunun 14-cü dəqiqəsində İlkay Gündoğan "Tottenhem"in qapısına yol tapıb: 1-0. Oyunun sonuna doğru təzyiqi daha da artıran "Maneçester Siti" 70-ci dəqiqədə Kevin de Bruynenin qolu ilə fərqi artırıb - 2:0. Oyunun 80-ci və 90-cı dəqiqələrində Mançester təmsilçisinin hücumçusu Rahim Sterlinq dub edib - 4:0. Oyunda son nöqtəni "Tottenhem"in yarımmüdafiəçisi Kristian Eriksen qoyub - 4:1.
Beləliklə, "Mançester Siti" 52 xalla çempionatda liderliyini uğurla davam etdirir. Onların ən yaxın izləyicisi "Mançester Yunayted"in aktivində isə 38 xal var.
Milli.Az