İdman

“İndi “Qarabağ”a daha çox hörmət etməliyik”

22 Noyabr 2017 12:02
0 Şərh     Baxış: 1 262
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Qarabağ"la birinci oyunda daha çox qol vura bilərdik. Bir neçə qol şansını qaçırmışdıq.

Milli.Az apasport.az-a istinadən xəbər verir ki, bu sözləri "Çelsi"nin U-19 komandasının baş məşqçisi Co Eduards deyib.

London klubu UEFA Gənclər Liqasında bu gün "Qarabağ"ın qonağı olacaq.

Matçdan öncə "Çelsi"nin rəsmi saytına açıqlama verən Eduards maraqlı fikirlər səsləndirib. O, "Qarabağ"ın 19 yaşadək futbolçulardan ibarət komandasının "Atletiko"ya səfərdə qalib gəlməsinə (1:0) təəccübləndiyini gizlətməyib.

31 yaşlı çalışdırıcı bu nəticənin "Qarabağ"ın üzvlərində özünəinam hissini artıracağını bildirib. Bununla belə, o, Londondakı görüşdə (5:0) olduğu kimi, meydana yenə qələbə üçün çıxacaqlarını qeyd edib: "Bilirik ki, indi "Qarabağ"a daha çox hörmət etməliyik. Çünki rəqib Madriddə "Atletiko"nu üstələyib. Bu, "Qarabağ"ın inkişafı baxımından böyük uğurdu. Londonda rəqib topu özündə saxlamağa, oyunu "sındırmağa" və bununla bizi məyus etməyə, çalışırdı. "Qarabağ"ın futbolçuları tez-tez qaydanı pozurdular. "Atletiko"ya qalib gəldikləri matçda da Londondakı kimi oynadılar. Odu ki, "Qarabağ"dan nə gözləməli olduğumuzu bilirik və buna hazırıq. Bakıda yaxşı nəticəyə imza atmaq istəyirik. Qələbə qazanmaqla qrupdan çıxmaq tapşırığının öhdəsindən gələ bilərik. Təbii ki, digər görüşdə hansı hesabın qeydə alınmasından da çox şey asılıdı".

Qeyd edək ki, "Qarabağ" və "Çelsi"nin 19 yaşadək futbolçuları arasında "Azərsun Arena"da keçiriləcək matç saat 15:00-da start götürəcək. 

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.