İdman

Dünya çempionatına düşə bilməyən İtaliya nə qədər itirəcək?

14 Noyabr 2017 22:11
3 Şərh     Baxış: 1 096

İtaliya Rusiyada keçiriləcək futbol üzrə dünya çempionatına vəsiqə qazana bilməməsinə görə bir milyard avro itirəcək.

Milli.Az oxu.az-a istinadən bildirir ki, bu barədə "Radio 24"ün efirində ölkənin idman naziri Franko Korraro deyib.

"Bu bizə ən azı 500-600 milyon avroya başa gələcək, lakin bütün əldən verilən gəlirləri nəzərə alsaq, məbləğ bir milyard avronu keçəcək", - nazir bəyan edib. Korraro həmçinin bildirib ki, İtaliya Futbol Federasiyasının prezidenti Karlo Tavekkio öz vəzifəsində qalmaq istəyirsə, lazımi tədbirlər görməlidir.

İsveçə uduzduqdan sonra Tavekki baş verənlər barədə fikirləşmək üçün 48 saat fasilə götürüb. Korraro isə Futbol Federasiyasının rəhbərindən gələcək planları açıqlamağı tələb edib. Nazir həmçinin qeyd edib ki, İtaliya yığmasının hazırki baş məşqçisi Campyero Venturanın istefası qaçılmazdır:

"Ventura baş verənlərə görə birbaşa məsuliyyət daşıyır. Elə olur ki, nəticə əldə etmək üçün 10 faiz çatmır, bizim vəziyyətimizdə isə 80 faiz çatmadı".

Xatırladaq ki, İtaliya millisi pley-off mərhələsində iki görüşün nəticəsinə əsasən İsveç komandasına uduzaraq son 60 ildə ilk dəfə dünya çempionatından kənarda qaldı.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin

Şərh yaz:

3 Şərh:

  • Anonim
    Yağmur · 14 Noyabr 22:1502

    Aydaaa.İtaliya vəsiqə qazana bilmədi heyif.(((. İspaniya qazanacaq əminəm o qədər hücumçusu var..İspania .

    Cavab yaz
    • Anonim
      GƏNCƏLİ AVROPADAN... · 14 Noyabr 23:5710

      Yağmur,futboldannda doğru dürüst anlayışın yoxdur.İtaliya İspaniya ilə eyni qrupda idi.İspaniya 1-ci yer kimi birbaşa vəsiqə qazandı,İtaliya 2-ci yeri tutub play-off-a qaldı və sonrasını bilirsən...

      Cavab yaz
      • Anonim
        Yağmur · 15 Noyabr 08:1010

        Bilirəm.İtaliya İspaniya Lixtenşteyn.İsrail İsveçrə Albaniya. Bunlar bir qrupdadırlar.hə başa düşdüm.elə bildim ki.Italiya ümumiyyətlə oynamayacaq. sağ olun izaha görə

        Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.