Madrid "Real"ı kapitan Serxio Ramosun sözləşməsinin müddətini uzadacaq.
Milli.Az apasport.az-a istinadən xəbər verir ki, 31 yaşlı müdafiəçi tezliklə yeni müqaviləyə qol çəkəcək.
Belə ki, tərəflər arasında danışıqlar müsbət nəticələnib. "Kral klubu"nda qalmağa razılıq verən Ramosun yeni anlaşması 2021-ci ilə qədər nəzərdə tutulacaq. Müqavilə imzalanandan sonra Ramos "Real"da mövsümə 12 milyon avro məvacib alacaq.
Qeyd edək ki, "Sevilya"nın yetirməsi olan müdafiəçi 2005-ci ildən "Real"ın uğurları üçün çalışır. O, "qalaktikos"un heyətində bu vaxta qədər 529 oyunda 69 qola imza atıb.
Milli.Az