Dünən Avropa Liqasının qrup mərhələsində keçirilən Arsenal - Köln qarşılaşması zamanı fanatlar üsyan ediblər, məsələyə polis qarışıb.
Milli.Az Dailymail-ə istinadla bildirir ki, ötən gün 20 mindən çox Köln fanatı Arsenalla matçda komandalarına dəstək olmaq üçün Londona gedib. Lakin onlardan, sadəcə, 3000-i bilet ala bilib.
Arsenalın Emirates Stadionunda polislərlə "Köln" fanatları arasında qarşıdurma yaranıb. Təhlükəsizliyin təmin edilməsi məqsədi ilə matç 1 saat gecikdirilib. Oyun Arsenalın 3:1 hesablı qələbəsi ilə başa çatıb.
Oyuna baxmağa gələn tanınmış şəxslər sosial şəbəkədə "Köln" fanatlarının etdiklərini biabırçılıq adlandırıblar.
İTV-nin siyasət şöbəsinin redaktoru, "Arsenal" fanatı olan Robert Peston Tvitter-də qeyd olaraq yazıb:
""Köln"nün azarkeşləri rüsvayçılıq ediblər. Onlar polislə dalaşıblar, giriş-çıxışlarda təbii ehtiyaclarını ödəyiblər. Artıq mənim Avropa həmrəyliyim sınaqdan keçirildi".
Polislə qarşıdurma nəticəsində 5 nəfər saxlanılıb.
Bəxtiyar Umarlı
Milli.Az
Videonu izləmək üçün şəklə klikləyin:
Digər maraqlı xəbərlər Milli.Az-ın Facebook səhifəsində