"Marca" nəşri 2008-ci ilin martında Filippe Koutinyo və Neymardan eyni vaxtda alınan müsahibəni yenidən oxuculara təqdim edib.
Milli.Az goal.az-a istinadən xəbər verir ki, müsahibə zamanı hər iki futbolçu "Real"da oynamaq istədiklərini bildirib. Onlar vaxtilə "kral klubu"nun şərəfini qorumuş Robinyoya simpatiyalarını da ifadə ediblər.
Koutinyo: Mən Robinyonu televizorda izləyərək "bisiklet" zərbəni vurmağı öyrəndim. Sevimli komandalarım "Real" və "Barcelona"nın oyunlarına baxmağı çox sevirəm.
Neymar: Robinyo kimi, mən də 7 yaşımda "Santos"a gəlmişəm. Hər şeydə, xüsusilə driblinqdə onu təqlid etməyə çalışıram. İspaniya futbolunu bəyənirəm. La Liqa yüksək sürətə və keyfiyyətə malikdir.
- Arzularınızın komandası hansıdır?
Koutinyo: "Real Madrid". O, dünyada ən yaxşı klubdur.
Neymar: "Real Madrid".
- Avropanın hansı liqasında oynamaq istərdiniz?
Koutinyo: İspaniya Primerasında. Orda Robinyo və Ronaldinyo kimi ulduzlar çıxış edir.
Neymar: İspaniya Liqası. Xüsusi bir çempionatdır.
Milli.Az