İdman

Azərbaycan klublarının Avropa Liqasından qazancı açıqlanıb

17 Avqust 2017 23:31
0 Şərh     Baxış: 1 663
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

UEFA 2017-2018 mövsümündə Avropa Liqasının iştirakçılarına ümumilikdə 399,8 milyon avro ödəyəcək.

Milli.Az "Report"a istinadən bildirir ki, qrup mərhələsindəki nəticələr və mərhələ adlamağın qarşılığında 239,8 milyon avro ayrılıb. 160 milyon avro isə qrup mərhələsindən etibarən təmsil olunan iştirakçıların teleyayım hüquqları üçün nəzərdə tutulub.
Qrup mərhələsində mübarizə aparacaq 48 klubun hər biri ən azı 2,6 milyon avro qazanacaq. Qrup mərhələsindəki hər qələbə 360 min avro, heç-heçə 120 min avro gətirəcək. 1/16 finala vəsiqə qazanan qrup qalibləri hərəyə 600 min avro, qrup ikinciləri isə 300 min avro əldə edəcəklər.
1/16 final iştirakçıları hərəyə 500 min avro, 1/8 finala vəsiqələrin sahibləri 750 min avro, 1/4 finala yüksələnlər 1 milyon avro, yarımfinala çıxanlar 1,6 milyon avroya sahib olacaqlar. Nəhayət, Avroliqanın qalibi 6,5 milyon avro, finalçı isə 3,5 milyon avro qazanacaq. Beləliklə, bu turnirin qalibi maksimum 15,71 milyon avro əldə edə bilər. Bura bazarda iştirak payı daxil deyil.
Habelə, təsnifat mərhələlərində iştirak etmiş klublar üçün də ödənişlər nəzərdə tutulub. I təsnifat mərhələsində iştirak etmiş klub 215 min avro, II təsnifat mərhələsindəkilər 225 min avro, III təsnifat mərhələsindəkilər 235 min avro, "pley-off"da çıxış edənlər isə 245 min avro qazanacaqlar. Beləliklə, Azərbaycan təmsilçilərindən ilk 2 mərhələdə iştirak etmiş "Zirə" və "İnter" hərəyə 440 min avroya, yalnız ikinci mərhələdə iştirak etmiş "Qəbələ" isə 225 min avroya sahib çıxacaq.
Qeyd edək ki, hazırda Çempionlar Liqasında çıxış edən "Qarabağ" "pley-off" səddini keçə bilməsə, ardıcıl dördüncü mövsüm Avropa Liqasının qrup mərhələsində çıxış edəcək.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.