"Arsenal" aparıcı oyunçuları - Aleksis Sançes və Məsut Özillə yeni müqavilə bağlamağa müvəffəq olmayıb.
Milli.Az komanda.az-a istinadən xəbər verir ki, uzun müddəti danışıqlar getməsinə baxmayaraq, bu məsələ həllini tapmır. "Arsenal"ın baş məşqçisi Arsen Venger də məsələ ilə bağlı açıqlama verib. O, bu futbolçularla yeni müqavilə bağlayacaqlarına hələ də inandığını bildirib:
"Biz Sançesi həmişə komandada saxlamağa çalışmışıq. Hələ də inanıram ki, onunla müqaviləni yeniləyəcəyik. O cümlədən, Məsut Özil və Oksleyd-Çemberlenlə də yeni müqavilə bağlanacağına inanıram".
Bu futbolçuların hər üçünün müqaviləsi 2018-ci ilin yayında başa çatır. Bir müddət əvvəl məlumat yayılmışdı ki, Sançes Parisə gedərək PSJ ilə müqavilənin şərtlərini müzakirə edib.
Milli.Az
Digər maraqlı xəbərlər Milli.Az-ın Facebook səhifəsində