Qadın voleybolçulardan ibarət Serbiya millisinin ilkin heyəti açıqlanıb.
Milli.Az apasport.az-a istinadən xəbər verir ki, komandanın baş məşqçisi Zoran Terziç Azərbaycan və Gürcüstanın birgə ev sahibliyi edəcəyi Avropa çempionatı üçün 16 oyunçu sifariş edib.
Artıq hazırlığa başlayan serblər avqustun 30-da hazırlığı yekunlaşdırıb, yoxlama matçlarına üstünlük verməyi planlaşdırırlar. Onların heyəti isə belədi:
Toppaylayıcılar: Ana Antoniyeviç, Boyana Jivkoviç, Sladyana Mirkoviç.
Hücumçular: Ana Bjelitsa, Tiyana Boskoviç, Slaçana Malaqurski, Brankitsa Mixayloviç, Tiyana Maleşeviç, Byanka Buşa, Boyana Milenkoviç.
Liberolar: Yelena Blaqoyeviç, Teodora Puşiç.
Blokçular: Milena Raşiç, Stefana Velkoviç, Yovana Stevanoviç, Mina Popoviç.
Serbiya Avro-2017-nin oyunlarını Göygöldə keçirəcək. Onlar Çexiya, Hollandiya və Belçika ilə birgə D qrupunda yer alıblar.
Qeyd edək ki, Sladyana Mirkoviç son mövsümü "Telekom"da keçirib. Bakı təmsilçisi ilə Azərbaycan çempionu olan toppaylayıcı yeni mövsümdən Polşa "Ximik"ində oynayacaq.
Milli.Az
Digər maraqlı xəbərlər Milli.Az-ın Facebook səhifəsində