İdman

Ronaldu: "İngiltərəyə qayıtmaq istəyirəm"

5 Avqust 2017 14:35

1 Şərh Baxış: 1 606

#İDMAN #MANÇESTER YUNAYTED #KRİŞTİANU RONALDU #REAL MADRİD #QALMAQAL #İSPANİYA #FUTBOL #VERGİ #İNGİLTƏRƏ

Vergidən yayınmaqda günahlandırılan ulduz futbolçu Kriştianu Ronaldu İspaniya Prokurorluğunun araşdırmalarından təngə gəlib.

Milli.Az apasport.az-a istinadən xəbər verir ki, Madrid "Real"ının üzvü bu səbəbdən İngiltərəyə qayıtmağa qarşı deyil.

Məhkəmədə ifadə verən Ronaldo emosional şəkildə danışıb. Portuqaliyalı futbolçu İngiltərədə heç vaxt bu cür problemlə üzləşmədiyini bildirib: "Mançester Yunayted"ə keçəndə 18 yaşım var idi. Yadımdadı, kluba gələn kimi, mənə vergi məsələsi ilə bağlı bütün incəlikləri izah etdilər. İngiltərədə heç vaxt bu cür problem yaşamadım. Buna görə də, oraya qayıtmaq istəyirəm".

32 yaşlı hücumçu vergi məsələsinə həmişə məsuliyyətli yanaşdığını qeyd edib: "İspaniyada dedilər ki, problemlə üzləşməmək üçün bir qədər də artıq vergi ödəmək lazımdı. Mən də müntəzəm olaraq, vergi ödəmişəm. Həmişə belə olub, bundan sonra da belə olacaq. Gəlirlərimi gizlətmək mümkün deyil, nə qədər qazandığımı hamınız yaxşı bilirsiniz. Çünki "Forbes" jurnalı bununla bağlı tez-tez məlumat yayır".

Qeyd edək ki, Ronaldonun 2011-2014-cü illər ərzində 14,7 milyon avro məbləğində vergini ödəməkdən yayındığı bildirilir. Prokurorluğun ərizəsində qeyd edilir ki, Kriştianu 2010-cu ildə yaratdığı biznes strukturunu real gəlirlərini gizlətmək məqsədilə istifadə edib.

Milli.Az

Digər maraqlı xəbərlər Milli.Az-ın Facebook səhifəsində