İdman

Konte: "Harri Keyn dünyada ən güclü hücumçulardan biridir"

27 İyul 2017 16:50
0 Şərh     Baxış: 924
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Çelsi"nin baş məşqçisi Antonio Konte "Tottenham"ın hücumçusu Harri Keynə simpatiyasını ifadə edib.

Milli.Az goal.az-a istinadən xəbər verir ki, italiyalı mütəxəsis "mahmızlar"ın forvardını xeyli tərifləyib.

"Tottenham", həqiqətən, səviyyəli futbolçulara sahibdir. Daha bir hücumçu almaq imkanım olsaydı, Harri Keyni seçərdim. O, hərtərəfli hücumçudur. Psixoloji, topla və topsuz işləmək baxımından güclüdür.

Keyn toplarında çox təhlükəlidir. Dünyada səviyyəli ön xətt oyunçularından biridir. Onun transferi ən azı 100 milyon funtdur. Ən azından, mənim üçün. Forvardın bu qiymətə uyğun olduğunu görürəmsə, deməli, böyük futbolçudur".

Konte bir neçə gün öncə "Mançester Siti"nin heyətinə qoşulan Kayl Uolkerlə də maraqlandıqlarını gizlətməyib.

"Uolkeri transfer etmək istəyirdik. Düzü, indi hər futbolçunun baha olduğunu düşünürəm. Müdafiəçi almağa hazırlaşanda xeyli pul tələb edilməsini görürsən. Heyətini möhkəmləndirməyə çalışan komandalara belə transfer bazarında fəaliyyət göstərmək çətindir".

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.