İdman

Prosineçki avrokubok oyunlarını niyə izləmir?

27 İyul 2017 14:04

0 Şərh Baxış: 843

#İDMAN #AZƏRBAYCAN FUTBOLU #ÇEMPİONLAR LİQASI #QARABAĞ #AVROPA LİQASI #QƏBƏLƏ #İNTER #FUTBOL #ZİRƏ FK #AZƏRBAYCAN

Azərbaycan klubları avrokubokların yeni mövsümündə artıq 13 oyun keçirmələrinə baxmayaraq, milli komandamızın baş məşqçisi Robert Prosineçki heç birində gözə dəyməyib.

Milli.Az apasport.az-a istinadən xəbər verir ki, "Qarabağ", "Qəbələ", "İnter" və "Zirə"nin matçlarında xorvatiyalı mütəxəssisin köməkçiləri iş başında olublar.

Prosineçkinin DÇ-2018-in seçmə mərhələsi çərçivəsində Norveçlə səfər qarşılaşması öncəsi futbolçuları izləməməsinin səbəbi isə onun istirahətdə olmasıdı. AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu əməkdaşımızla söhbətində 48 yaşlı mütəxəssisin məzuniyyətdə olduğunu bildirib: "Prosineçki məzuniyyətdə olsa da, oyunları televiziya vasitəsilə izləyir. Üstəlik, köməkçiləri də matçlara gedir, qeydlərini götürürlər".

Qeyd edək ki, millimiz Norveçlə sentyabrın 1-də Osloda üz-üzə gələcək.

Milli.Az

Digər maraqlı xəbərlər Milli.Az-ın Facebook səhifəsində