İdman

Azərbaycan gimnastları Polşada Ümumdünya Oyunları 2017-də "gümüş" qazanıblar - FOTO

27 İyul 2017 10:40
Baxış: 837
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Polşanın Vrotslav şəhərində Ümumdünya Oyunlar çərçivəsində batut yarışlarında Azərbaycan gimnastları Svetlana Makştareva və Veronika Zemlyanaya gümüş medal qazanıblar.

Milli.Az Trend-ə istinadən xəbər verir ki, "qızıl"ı ukraynalı gimnastlar, "bürünc"ü isə Hollandiya təmsilçiləri qazanıblar.

Azərbaycan gimnastları yarışda Rusiya, Çin, ABŞ və digər ölkələri geridə qoyub.

Azərbaycanın batut üzrə milli yığmasının məşqçisi Vladimir Şulikin deyib: "Bizim qızların qələbəsinə çox sevinirik. Çox şadıq ki, onlar ölkəmizi və Gimnastika Federasiyasını uğurla təmsil etdilər. Rəqiblərinin güclü olmasına baxmayaraq, onlar layiqli nəticə göstərdilər".

V.Şulikin Azərbaycan Gimnastika Federasiyasına və rəhbərliyinə məşqlər üçün gözəl şərait və beynəlxalq yarışlarda iştirak etmək üçün imkan yaradıldığına görə təşəkkürünü bildirib.

Qeyd edək ki, Ümumdünya Oyunları - 2017 Polşanın Vrotslav şəhərində 20-30 iyul tarixlərində keçirilir.

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.