İdman

2017-2018 mövsümünün əsasnaməsinə dəyişiklik edildi

25 İyul 2017 16:30

0 Şərh Baxış: 956

#İDMAN #AZƏRBAYCAN FUTBOLU #FUTBOL #PREMYER LİQA #AZƏRBAYCAN

Azərbaycan Premyer Liqasında 2017-2018 mövsümünün əsasnaməsinə dəyişiklik edilib.

Milli.Az goal.az-a istinadən xəbər verir ki, Peşəkar Futbol Liqasının (PFL) baş direktoru Məlik Həsənovun sözlərinə görə, qarşıdakı mövsümdən klubların start heyətində və ehtiyatda 1996-cı il təvəllüdlü ən azı bir oyunçu yer almalıdır. 1998-ci il təvəllüdlü daha bir oyunçu isə ehtiyatda olmalıdır. Legioner sayı isə əvvəlki kimi 6 qalıb. PFL rəsmisi artıq bu barədə klubların da məlumatlandırıldığını bildirib.

Qeyd edək ki, ötən mövsümədək start heyəti 6+4+1 (6 legioner + 4 Azərbaycan vətəndaşı + 1 nəfər 1994-cü il doğumlu və daha gənc Azərbaycan vətəndaşı) kimi olub. Matçın protokolunda isə 1996-cı il təvəllüdlü (Azərbaycan vətəndaşı) və daha gənc 1 oyunçunun (Azərbaycan vətəndaşı) olması mütləq idi.

Milli.Az

Digər maraqlı xəbərlər Milli.Az-ın Facebook səhifəsində