"Mançester Yunayted"in sabiq kapitanı Ueyn Runi Romelu Lukakunun keçmiş klubuna transferinə münasibət bildirib. Milli.Az goal.az-a istinadən xəbər verir ki, 31 yaşlı hücumçu bunları deyib:
"Mançester Yunayted"də oynamaq xarakter sınağıdır. Bunun öhdəsindən gəlmək üçün psixoloji cəhətdən güclü olmalıdır. "Yunayted" nəticə tələb edən klubdur. Romelu özünü toplamalıdır. Narahatlıq keçirəcəyi təqdirdə onun işi çətin olacaq. "Mankunianlar"da qalmaq üçün müəyyən standartlar var. Bu, qaydalar Ser Aleks Ferqyussondan gəlir. Mən ora gedəndə Qiqqs, Qari Nevill və Skolz bu standartları saxlamışdılar. Son illərdə yeni futbolçuların gəlişi vəziyyəti qəlizləşdirmişdi. İstənilən halda, bu, artıq mənim problemim deyil. "Everton"a qayıtdığım üçün sevinirəm. Komanda yoldaşlarım haqqında daha çox öyrənmək istəyirəm. Yaxşı kollektivimiz var. Bəzi uşaqlarla millidə oynamışam".
Milli.Az