İdman

Qazaxlar "Xəzər Lənkəran"dan qovulan məşqçidən yazdılar...

15 İyun 2017 15:06
1 Şərh     Baxış: 874

Qazaxıstan mətbuatı "Xəzər Lənkəran"ın sabiq baş məşqçisi Viktor Pasulkodan yazıb.

Milli.Az qafqazinfo-ya istinadən xəbər verir ki, 56 yaşlı ukraynalı mütəxəssisin işlədiyi klublarda problemlərlə üzləşməsində çətin xarakterinin olması qeyd olunub.

Bu sırada Pasulonun "Xəzər Lənkəran"dan qovulmasına da toxunulub. Özü də bu məqalədə "Azərbaycanda utanc" yarımbaşlığı ilə gedib: ""Xəzər Lənkəran"da gələn təklifi qəbul etməmək ağılsızlıq olardı. Axı bu, yenidən müstəqil fəaliyyətə qayıtmaq imkanı idi. Pasulkonun "Borussiya"da (düzdü, Fuldadan) məşqçi vəzifəsi vardı. O, Almaniyanın çoxsaylı liqalarından birində oynayırdı. Və, yəqin ki, siz bu komanda haqda heç nə eşitməmisiniz. Ancaq Pasulko Azərbaycanda uzun müddət qala bilmədi. Qalmaqal yarandı. KİV qısa, ancaq xoşagəlməz məlumat yaydı: "Viktor Pasulko "Xəzər Lənkəran"dan ana söyüşünə və kobudluğa görə qovuldu". Orada nə baş verdiyi, həqiqətən, aydın deyil. Bir şey məlumdur ki, ukraynalı vəzifəsindən azad olunanadək futbolçulara söyüş ifadələri işlətməyə görə cərimə sistemi tətbiq etmişdi".

Xatırladaq ki, "Xəzər Lənkəran"a 2006-cı ilin qışında Moldova milli komandasının baş məşqçi postundan gələn Pasulko həmin mövsüm bitən kimi, 5 aydan sonra qovulub.

Milli.Az

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

1 Şərh:

  • Anonim
    fan · 16 İyun 11:0900

    Xəzər Lənkəran köklü komanda olsayda aqibəti belə olmazdı səriştəsiz qohumlardan qurulmuş idarə heyyəti onu tarixin yaddaşına qovuşdurdu.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.